Robert Burns Poems

Back to Poems Page

WHARE are you gaun, my bonie lass,
Whare are you gaun, my hinnie?
She answered me right saucilie,
“An errand for my minnie.”


O whare live ye, my bonie lass,
O whare live ye, my hinnie?
“By yon burnside, gin ye maun ken,
In a wee house wi’ my minnie.”


But I foor up the glen at e’en.
To see my bonie lassie;
And lang before the grey morn cam,
She was na hauf sae saucie.


O weary fa’ the waukrife cock,
And the foumart lay his crawin!
He wauken’d the auld wife frae her sleep,
A wee blink or the dawin.


An angry wife I wat she raise,
And o’er the bed she brocht her;
And wi’ a meikle hazel rung
She made her a weel-pay’d dochter.


O fare thee weel, my bonie lass,
O fare thee well, my hinnie!
Thou art a gay an’ a bonnie lass,
But thou has a waukrife minnie.

Email This Poem to a Friend

Previous Poem | Next Poem

View Robert Burns:  Poems | Quotes | Biography | Books

Copyright © 2006 - 2010 Famous Poets And Poems . com. All Rights Reserved.
The Poems and Quotes on this site are the property of their respective authors. All information has been
reproduced here for educational and informational purposes.