Robert Burns Poems

Back to Poems Page

Chorus.—Awa’ Whigs, awa’!
Awa’ Whigs, awa’!
Ye’re but a pack o’ traitor louns,
Ye’ll do nae gude at a’.


OUR thrissles flourish’d fresh and fair,
And bonie bloom’d our roses;
But Whigs cam’ like a frost in June,
An’ wither’d a’ our posies.
Awa’ Whigs, &c.


Our ancient crown’s fa’en in the dust—
Deil blin’ them wi’ the stoure o’t!
An’ write their names in his black beuk,
Wha gae the Whigs the power o’t.
Awa’ Whigs, &c.


Our sad decay in church and state
Surpasses my descriving:
The Whigs cam’ o’er us for a curse,
An’ we hae done wi’ thriving.
Awa’ Whigs, &c.


Grim vengeance lang has taen a nap,
But we may see him wauken:
Gude help the day when royal heads
Are hunted like a maukin!
Awa’ Whigs, &c.

Email This Poem to a Friend

Previous Poem | Next Poem

View Robert Burns:  Poems | Quotes | Biography | Books

Copyright © 2006 - 2010 Famous Poets And Poems . com. All Rights Reserved.
The Poems and Quotes on this site are the property of their respective authors. All information has been
reproduced here for educational and informational purposes.