Robert Burns Poems

Back to Poems Page

THE LADDIES by the banks o’ Nith
Wad trust his Grace 1 wi a’, Jamie;
But he’ll sair them, as he sair’d the King—
Turn tail and rin awa’, Jamie.


Chorus.—Up and waur them a’, Jamie,
Up and waur them a’;
The Johnstones hae the guidin o’t,
Ye turncoat Whigs, awa’!


The day he stude his country’s friend,
Or gied her faes a claw, Jamie,
Or frae puir man a blessin wan,
That day the Duke ne’er saw, Jamie.
Up and waur them, &c.


But wha is he, his country’s boast?
Like him there is na twa, Jamie;
There’s no a callent tents the kye,
But kens o’ Westerha’, Jamie.
Up and waur them, &c.


To end the wark, here’s Whistlebirk,
Lang may his whistle blaw, Jamie;
And Maxwell true, o’ sterling blue;
And we’ll be Johnstones a’, Jamie.
Up and waur them, &c.

Email This Poem to a Friend

Next Poem

View Robert Burns:  Poems | Quotes | Biography | Books

Copyright © 2006 - 2010 Famous Poets And Poems . com. All Rights Reserved.
The Poems and Quotes on this site are the property of their respective authors. All information has been
reproduced here for educational and informational purposes.