Robert Burns Poems

Back to Poems Page

Chorus.—MY lady’s gown, there’s gairs upon’t,
And gowden flowers sae rare upon’t;
But Jenny’s jimps and jirkinet,
My lord thinks meikle mair upon’t.


My lord a-hunting he is gone,
But hounds or hawks wi’ him are nane;
By Colin’s cottage lies his game,
If Colin’s Jenny be at hame.
My lady’s gown, &c.


My lady’s white, my lady’s red,
And kith and kin o’ Cassillis’ blude;
But her ten-pund lands o’ tocher gude;
Were a’ the charms his lordship lo’ed.
My lady’s gown, &c.


Out o’er yon muir, out o’er yon moss,
Whare gor-cocks thro’ the heather pass,
There wons auld Colin’s bonie lass,
A lily in a wilderness.
My lady’s gown, &c.


Sae sweetly move her genty limbs,
Like music notes o’lovers’ hymns:
The diamond-dew in her een sae blue,
Where laughing love sae wanton swims.
My lady’s gown, &c.


My lady’s dink, my lady’s drest,
The flower and fancy o’ the west;
But the lassie than a man lo’es best,
O that’s the lass to mak him blest.
My lady’s gown, &c.

Email This Poem to a Friend

Previous Poem | Next Poem

View Robert Burns:  Poems | Quotes | Biography | Books

Copyright © 2006 - 2010 Famous Poets And Poems . com. All Rights Reserved.
The Poems and Quotes on this site are the property of their respective authors. All information has been
reproduced here for educational and informational purposes.